பேரவை அறிவிப்பு

அன்புள்ள பேரவை உறுப்பினர் தமிழ்ச்சங்கத் தலைவர்கள், செயற்குழு உறுப்பினர்கள்,பேரவைப் பேராளர்கள், வாழ்நாள் உறுப்பினர்கள், கொடையாளர்கள், மற்றும் அல்லும் பகலும் அயராது உழைத்து வரும் தன்னார்வத் தொண்டூழியர்கள் அனைவருக்கும் வணக்கம்.

உலகத்தையே உலுக்கும் கொரோனா நுண்தொற்றுக்கிருமி பரவுவதைத் தடுக்க நாம் அனைவரும் வீட்டிற்குள்ளே இருந்து கொண்டு நமது கடமைகளையும், பணிகளையும் செய்து கொண்டு உள்ளோம் என்பது உண்மை. அனைவரும் கவனமாக வீட்டிற்குள் இருந்து, இந்த நுண்தொற்றிலிருந்து தங்களையும், தங்கள் குடும்பத்தையும் காத்துக்கொள்ளுமாறு பேரவையின் சார்பாகக் கேட்டுக் கொள்கிறோம். கையறு நிலை போன்ற‌ இக்காலத்தில் இந்த நுண்தொற்றுக் கிருமி பரவாமல் இருக்க, நாமும் நமது கடமைகளைச் செய்து உதவ வேண்டும் என்பதை நாம் அறிகிறோம். எனவே இதனையொட்டி, அனைவரின் நலன் கருதி, வட அமெரிக்கத் தமிழ்ச்சங்கப் பேரவையின் செயற்குழு 2020-ஆம் ஆண்டு ஜூலை 3 முதல் 5 வரை ஜியார்ஜியா மாநிலம் அட்லாண்டா மாநகரில் நடைபெறத் திட்டமிட்டு செயல்பட்டுக் கொண்டிருந்த பேரவையின் 33‍-ஆம் ஆண்டு தமிழ்விழா நிகழ்வுகளை ஒத்திவைக்க முடிவு செய்துள்ளது.

விழாக்குழுவும், பேரவையின் செயற்குழுவும் இணைந்து இம்முடிவினைத் தங்களுக்குத் தெரிவிக்கக் கடமைப்பட்டுள்ளது.

வழக்கமான சூழலுக்கு மீண்டும் நமது வாழ்க்கைத் திரும்பியபின், 2020 பேரவை விழா பற்றிய மேலதிக விவரங்கள் அறிவிக்கப்படும் என்பதைத் தெரிவித்துக் கொள்கிறோம்.