Menu

இரங்கல் செய்தி.

27, ஜூலை 2015

முன்னாள் குடியரசுத் தலைவர் ஐயா அப்துல் கலாம் அவர்களின் மறைவை அறிந்து, வட அமெரிக்கத் தமிழ்ச்சங்கப் பேரவை மிகவும் துயரம் அடைகிறது. அன்னாருடைய மறைவுக்குப் பேரவை தனது ஆழ்ந்த இரங்கல்களைத் தெரிவித்துக் கொள்கிறது. தமிழினத்திற்குக் கிடைத்த ஓர் அறிவு மேதையை இழந்து இன்று தமிழினம் கையறு நிலையில் கலங்கி நிற்கிறது. 

kalam

செயற்கரிய செய்வார் பெரியர் சிறியர்
செயற்கரிய செய்கலா தார். (குறள்: 26)

என்ற திருக்குறளின்படி வாழ்ந்து காட்டிய தமிழர்! தனக்கென்று ஒரு குடும்பத்தை ஏற்படுத்தி வாழ்க்கையை மற்றவர்கள் போல அமைத்துக் கொள்ளாமல், சமூகத்தையே தமது குடும்பமாக ஏற்று, வாழ்வின் கடைசி விநாடி வரை மக்களுக்காகவே உழைத்த மாமேதையின் இழப்பை ஈடுகட்டுவது இயலாது.

 

பேரவையோடு நீண்டகாலத் தொடர்பு உடையவர். 2003 பேரவைத் தமிழ்விழாவையும், 2005 பன்னாட்டுத் திருக்குறள் மாநாட்டையும் காணொளி வழியாகத் தொடங்கி வைத்த பெருமைக்குரிய தலைவர். ஏனைய பேரவை விழாக்களுக்கும், இறுதியாக 2015 தமிழ்விழாவிற்கும் வாழ்த்துச் செய்திகள் அனுப்பி, பேரவைக்குப் பெருமைச் சேர்த்த மாமனிதர் இன்று நம்மை விட்டு மறைந்து விட்டார். பேரவை விழாவில் அன்னார் நேரடியாகக் கலந்துகொள்ள, நாம் பலமுறை செய்த முயற்சிகள் பலனளிக்காமல் போனதை எண்ணி வருந்துகிறோம்.

அக்னிச் சிறகுகள், இந்தியா 2012, எழுச்சி தீபங்கள், அப்புறம் பிறந்தது ஒரு புதிய குழந்தை முதலிய நூல்களைப் படைத்த ஒரு படைப்பாளி. பத்ம பூஷன், பத்ம விபூஷன், பாரத ரத்னா, ராமானுஜன் விருது, கிங் சார்லஸ்-II பட்டம், சர்வதேச வோன் கார்மான் விங்ஸ் விருது, ஹூவர் மெடல், புரஸ்கார் விருது முதலிய விருதுகள் அவருக்கு அளிக்கப்பட்டதால், அவைகள் பெருமையடைந்தன.

அன்னாரின் கனவுகளை நிறைவேற்ற மக்களோடு மக்களாக இணைந்து தமிழ்ச்சங்கப் பேரவைப் பணியாற்றும் என்ற உறுதியோடு அவருக்கு வணக்கம் செலுத்துகிறது.

வட அமெரிக்கத் தமிழ்ச்சங்கப் பேரவைச் செயற்குழு.

--------------------------------------------------------------------------------------------

Aruvi Magazine

  • 112011.png
  • 120112.jpg
  • aruvi-dec-2010.png
  • aruvi-jan-2012.png
  • aruvi-june-2011.png
  • aruvi-march-2011.png
  • aruvi-may-2012.png
  • aruvi-may-2013.jpg
  • aruvi-oct-2011.png
  • aruvi-sep-2013 1.jpg

News and Announcements News, Videos, Pictures, Announcements and More

Calender

Media Gallery